MATERIAIS
Microscopio
Portaobxetos
Cubreobxetos
Lanceta estéril
Cubeta de tinción
Agulla enmangada
Pinzas
Frasco lavador
Mechero de alcohol
Tesoiras
Papel de filtro
Vaso de precipitados
Vidrio de reloxio
Orceína A
Orceína B
TÉCNICA
Encher un vaso de precipitados con auga e colocar un bulbo de cebola de xeito que a parte inferior quede inmersa na auga. Ó cabo de 3-4 días aparecerán numerosas raiciñas en crecemento duns 3 ou 4 cm de lonxitude.
Cortar coas tesoiras uns 2-3 mm dos extremos das raiciñas e depositalo nun vidrio de reloxio no que teñamos vertido 2-3 ml de orceína A.
Quentar suavemente o vidrio de reloxio ó lume do mechero durante uns 8 minutos, evitando a ebulición, até a emisión de vapores tenues.
Coas pinzas tomar un dos ápices ou extremos das raiciñas e colocala sobre un portaobxetos, engadir unha pinga de orceína B e deixar actuar durante 1 minuto.
Colocar o cubreobxetos con moito coidado sobre a raíz. Co mango dunha agulla enmangada dar uns golpeciños sobre o cubre sen rompelo de xeito que a raíz quede extendida.
Sobre a preparación colocar unhas tiras de papel de filtro, 5 ou 6. Poñer o dedo pulgar sobre o papel de filtro na zona do cubreobxetos e facer unha suave presión, evitando que o cubre esbare. Se a preparación está ben asentada non hai perigo de rotura por moita presión que se faga.
Observar ó microscopio.
OBSERVACIÓN MICROSCÓPICA E FUNDAMENTO
Realizarase a fortes aumentos. A orceína A reblandece as membranas celulares e a B completa o proceso de tinción. Coa presión sobre o porta da preparación lógrase unha extensión e difusión das células do meristemo da cebola.
A preparación presenta o aspecto dunha dispersión de células por todo o campo do microscopio. Obsérvanse células en diversas fases ou estados de división celular. Vense os cromosomas tinguidos de morado pola orceína. O aspecto reticulado así como o maior tamaño dalgúns núcleos corresponde ás células que se atopan nos procesos iniciais da división mitótica.
Exemplos de imaxes:
No hay comentarios:
Publicar un comentario